Hurmetli puqaralar!

Ózbekstan Respublikası Prezidentiniń 2022-jıl 11-avgusttaǵı «Shıǵındılar menen baylanıslı jumıslardı shѳlkemlestiriw sistemasın reformalaw boyınsha náwbettegi is-ilájlar haqqında» ǵı 189-sanlı Pármanınıń 5-bándi talabına muwapıq, 2023-jıldıń 1-yanvar sánesinen baslap turmıslıq shıǵındılardı toplaw hám alıp shıǵıp ketiw xızmetleri boyınsha puqaralardıń jeke esap beti sol puqaranıń elektr energiyası boyınsha ashılǵan jeke esap betine (integraciya) biriktiriletuǵınlıǵın málimleymiz.
Yaǵnıy, puqaranıń shıǵındılardı alıp shıǵıp ketiw xızmetlerinen qarızdarlıǵı bar bolǵan jaǵdayda elektr energiyasınan úzip qoyılıwı boyınsha eskertiw baǵdarlaması iske qosılıwı haqqında málim etemiz.
Sonlıqtan shıǵındılardı alıp shıǵıp ketiw boyınsha payda bolǵan qarızdarlıqlardı aymaqqa biriktirilgen tiyisli qadaǵalawshılar arqalı hámde Click, Paynet, Payme hám basqa da elektron tѳlemler arqalı esaplasıp barıwıńızdı soraymız.
Aymaqqa turmıslıq shıǵındını alıp ketiw boyınsha xızmet kórsetiwshi kárxana haqqında ózińiz jasaytuǵın mákan puqaralar jıyını administraciyasınan tolıq maǵlıwmatlardı alıw huqıqına iye ekenińizdi bildiremiz.

Qaraqalpaqstan Respublikası Ekologiya hám qorshaǵan ortalıqtı qorǵaw komiteti.