Ózbekstan Respublikası Prezidentiniń 2020-jıl 22-sentyabr kúngi «Ózbekstan Respublikasında identifikaciya ID-kartaların engiziw ilájları haqqında» ǵı PP-6065-sanlı pármanınıń 5-bántinde Ózbekstan Respublikası puqaralarınıń biometrik pasportların identifikaciya ID-kartalarına almastırıw waqıtları belgilep berilgen.
Soǵan tiykar identifikaciya ID-kartalarına almastırıw waqıtlarınıń ekinshi basqıshında «2023-jıl 1-yanvardan 2030-jıl 31-dekabrge shekem májbúriy tártipte ámelge asırıladı» dep kórsetip ótilgen.
Egerde usı waqıt aralıǵında identifikaciya ID-kartaların almastırmaǵan puqaralar Ózbekistan Respublikası Hákimshilik juwapkershilik haqqındaǵı kodekstiń 223-statyası 1-bóliminde haqıyqıy bolmaǵan (múddeti tamamlanǵan) pasport ushın bazalıq esaplaw muǵdarınıń ekiden bir esesinen úsh esesine shekem jarima qollanılıwı belgilengen.
Sol sebepli aldı menen 2013-jılı biometrik pasport rásmiylestirgen puqaralardı puqaralıq identifikaciya ID-kartasın belgilengen waqtında rásmiylestriwi ushın rayon IIB MhPRB ne múrájat etiw kerekligin eskertemiz.
Puqaralarımız ózleri menen birge puqaralıq identifikaciya ID-kartası ushın biometrik pasportların alıp keliwi hám Ózbekstan Respublikası «Mámleketlik bajı haqqında» ǵı nızamında belgilep berilgen bazalıq esaplaw muǵdarınıń 89 payızı mámleketlik bajı tólemin tólewi kerekligin soraymız.
Qaraózek rayonlıq IIB Migraciya hám puqaralıqtı rásiylestiriw bólimshesi.