Ózbekstan Respublikası Prezidentiniń Qaraqalpaqstanǵa saparları dawamında, sonday-aq, Qaraqalpaqstan Respublikası Joqarǵı Keńesi Baslıǵı tárepinen sociallıq tarawlarda ámelge asırılıp atırǵan jumıslar hámde ushırasıp atırǵan mashqalalarǵa baǵıshlap ótkerilgen jıynalıslarda berilgen tapsırmalardıń orınlanıwın úyreniw baǵdarında isshi topar aǵzaları Qaraózek rayonında boldı.
Kelgen isshi topar aǵzaları rayondaǵı bir qatar sociallıq tarawlardaǵı islenip atırǵan jumıslar menen tanısıp, mektep direktorları onıń orınbasarları menen ushırasıw ótkerdi.
Ushırasıw barısında Prezidentimiz baslaması menen Qaraqalpaqstanlı jaslarǵa ajıratılıp atırǵan kuvotalar, joqarı oqıw orınlarında jaslar ushın jaratılǵan keń kólemli imkaniyatlar hám bilimlendiriw tarawındaǵı túpkilikli ózgerisler boyınsha keń túrde túsindiriw jumısların alıp bardı.
Bunnan soń ushırasıw qatnısıwshılarınıń sorawlarına tiyisli qánigeler tárepinen juwaplar berildi.

Qaraózek rayonı hákimligi Málimleme xızmeti