Húrmetli rayonımız turǵınları!

Xabarıńız bar, sentyabr ayınıń dáslepki kúnlerinen baslap aq, respublikamızdıń barlıq rayonları sıyaqlı Qaraózek rayonında da paxta terim mapazı baslap jiberildi.
Bıyılǵı jılı fermer xojalıqlarınıń paxta atızlarında zúráát mol. Sonlıqtanda hawa rayınıń ashıq-jarıq, jıllı kúnlerinen utımlı paydalanıp, onı jıynap terip alıw bolsa hár bir Qaraózekshilerden úlken juwapkershilikti talap etpekte.
Húrmetli nuranıylar, hayal-qızlar hám jaslar!
Usı jıldıń paxta zúráátin tez kúnlerde jıynap terip alıwǵa óz úleslerińizdi qosıp, shańaraǵıńızǵa qosımsha dáramat kirgiziwdi qáleseńiz hár kúni rayon hákimligi imáratı aldında saat 7:00 de terimshiler ushın arnawlı avtotransportlar qoyılǵan.
Paxta atızlarında terimshilerge barlıq sharayatlar jaratılǵan bolıp, hár bir kilogramm ushın 1️⃣5️⃣0️⃣0️⃣ swmnan kúnlik tólep beriledi.
Máwsim dawamında belsene qatnasqan hám kóp tergen terimshiler rayon hákimligi tárepinen bahalı sawǵalar menen sıylıqlanadı.
Húrmetli rayonımız turǵınları, fermerlerimizdiń jazı boyı jetistirgen ónimlerin qısqa múddetlerde, jawın-shashınlı kúnlerge qaldırmastan sepsitpey jıynap alıwǵa belsene qatnasıp, rayon qırmanına óz úleslerińizdi qosıwǵa shaqırıp qalamız!
Sizdi qızıqtırǵan sorawlarıńızǵa juwaptı paxta terim shtabı arqalı alıwıńızǵa boladı.

#Telefon nomeri: 61 465 55 33

Qaraózek rayonı hákimligi málimleme xızmeti.