2020-2025 жылларда китапқумарлық мәдениятын раўажландырыў ҳәм қоллап–қуўатлаў  дәстүринде ҳәр жылы апрель айының биринши ҳәптеси «Китапқумарлық ҳәптелиги» деп белгиленди.  Усы тийкарда 2021-жылдың 8-апрель күни Мәлимлеме-китапхана орайы тәрепинен райондағы 16-санлы балалар  музыка ҳәм көркем-өнер мектебинде «Китапқумарлық ҳәптелиги» шеңберинде   «Китапханаға китап саўға етемен» атамасында  акция   болып өтти. Акцияға район ҳәкими ҳәм де райондағы барлық мәкеме, шөлкем баслықлары белсене катнасты. Акция қатнасыўшылары районлық Мәлимлеме-китапхана орайына 196 дана   әдебий китапларды  саўға ретинде тапсырды. Бул  акция 2021-жылдың 10 апрель күнине шекем даўам етеди. Сондай-ақ усы күни 16-санлы балалар  музыка ҳәм көркем-өнер мектеби сүўретшилик өнери бөлими оқыўшыларының салған сүўретлери қатнасыўшылар нәзерине усынылды.