Қараөзек районы ҳәкимлиги Мәлимлеме хызмети, районлық “Мийнет байрағы” газетасы ,Республика руўхыйлық ҳәм ағартыў орайы районлық бөлими, ҳәм ғалаба хабар қураллары ўәкиллери, нураный журналистлердиң қатнасында баспасөз конференциясы болып өтти. Конференцияда 27- июнь “Баспасөз ҳәм ғалаба хабар қураллары хызметкерлери”  күни  мүнәсибети менен өткен жыллар даўамында  «Мийнет байрағы» газетасының алып барған жумыслары менен кеңнен танысты. Соның менен бирге газетаның 75-жыллығын кең түрде белгилеў бойынша алдағы ўазыйпалар белгилеп алынды. Конференция сораў-жуўаплар менен даўам етти.