КӨШПЕЛИ САЎДАНЫҢ ЖАҢА ТӘРТИБИ ЕҢГИЗИЛМЕКТЕ

Өзбекстан Республикасы Президенти тәрепинен 04.06.2021-жылы «Көшпели саўда искерлигине ахборот технологияларын енгизиў ҳәм саўда автоматы арқала усақлап сатыў искерлиги менен шуғылланыўшы исбилерменлик субъектлерин қоллап-қуўатлаў ис-иләжлары ҳаққында»ғы ПҚ-5136 қарарына қол қойылды.

Көшпели саўда ҳәм саўда автоматы арқалы усақлап сатыў искерлигин тәртипке салыў, бундай искерлик түрлерине исбилерменлерди кеңнен тартыў, сондай-ақ, көшпели саўда искерлигине заманагөй ахборот технологияларын жәнеде кең ен жайдырыў арқалы халыққа зәрүр  товарларды жеткизип бериўде қолайлықлар жаратыў мақсетинде 2021-жыл 1-декабрьден баслап:

-көшпели саўда искерлиги исбилерменлик субъектлери тәрепинен көшпели саўда объектлерин электрон тәризде «К-SAVDO”  атвоматластырылған ахборот системасынан дизимнен өткериў жолы менен  әмелге асырылады. Бунда, исбилерменлик субъектлеринен дизимнен өткериў ушын жыйым өндирилмейди;

-қосымша саўда орны (жеке меншик мүлкдарларларға тийисли орынлардан тысқары) көшпели саўда объектлериниң жайласыў схемалары бойынша «К-SAVDO»  ААТ арқалы электрон аукционда сатылады.

Бунда аукционнын басланғыш баҳасы тийисли район (қала) дағы жер участкасының жер салығы муғдарында белгиленеди. Аукцион арқалы сатыўдан келип түскен пул қаржыларының 80% тийисли район (қала) жергиликли бюджетлерине, 20% Мәмлекетлик салық комитетиниң арнаўлы есап бетине жибериледи.

Аукцион жеңимпазы тәрепинен көшпели саўда орнының өлшеми толық төленгеннен кейин оған «К-SAVDO”  АТТ арқалы автомат түрде QR-код қойылған гуўалық бериледи  ҳәмде ол сол орыннан 36 ай мүддетке пайдаланыў ҳуқықына ийе болады. Бунда көшпели саўда орнынан пайдаланыў бойынша шәртнама дүзиў талап етилмейди.

«К-SAVDO”   ААТ да дизимнен өтпестен көшпели саўда искерлиги менен шуғулланып атырғанлығы биринши мәртебе анықланған жағдайда, мәмлекетлик салық хызмети органлары хызметкерлери усақлап сатыў искерлигин «К-SAVDO” АТТ дизимнен өткен ҳалда әмелге асырыў бойынша  зәрүр түсиндириў жумысларын алып барады ҳәм дизимнен өткериў бойынша әмелий жәрдем көрсетеди.

         Ҳүжжет пенен белгилениўинше:

-саўда автоматларына бақлаў-касса техникаларынан мәжбүрий пайдаланыў талап етилмейди;

-сататуғын товарлар ямаса көрсететуғын хызметлер түрине қарамастан бундай искерлик пенен шуғылланыўшы юридик шахслар усақлап сатыў тараўында салық төлеўши деп аталады.

Қараөзек районындағы

Өзбекстан Республикасы

Бас министриниң Исбилерменлердиң

мүрәжатларын көрип шығыў

қабыллаўханасы бас қәнийгеси                                                    Ж.Камалов