Жасларымыздың бәнтлигин тәмийинлеў бүгинги күнниң баслы ўазыйпаларының биринен есапланады. Районда бул бағдарда нәтийжели жумыслар қолға алынбақта. Район ҳәкиминиң тиккелей басшылығында бийдайдан босаған жер майданларын жумыссыз жасларға бөлип бериў бойынша ис-реже ислеп шығылды. Усы реже тийкарында райондағы «Бердақ» АПЖ аймағында жайласқан «Күлкихожақ» фермер хожалығында «Ҳәр бир жасқа 1 гектар жер» жойбары тийкарында жумыссыз 70 жастың ҳәр бирине 25 сотых жер майданлары ажыратылып, бул майданларға дәнли ҳәм от-жемлик егинлери егип берилди.