Rayon hákimi U. Utambetovtıń náwbettegi kóshpeli qabıllawı rayondaǵı “Qaraózek” PPJ, “Esim” hám “Ǵárezsizlik gúzarı” MPJlarında ótkerildi. Qabıllawǵa sektor basshıları, Ózbekstan Respublikası Prezidentiniń Qaraózek rayonındaǵı xalıq qabıllawxanası baslıqları qatnasıp, puqaralardıń múrájatların qabılladı. Onda hár bir múrájat ayrıqsha qadaǵalawǵa alınıp, unamlı sheshiliwi ushın úyrenip shıǵıldı. Qabıllawda tiykarınan úy-jayǵa iyelik etiw, napaqa tayarlaw, ishki jollardı islew máselelerine baylanıslı múrájatlar kelip tústi. Kelip túsken múrájatlardıń barlıǵı unamlı sheshimin taptı. Qabıllawda rayon hákimi puqaralar menen keńnen sáwbetlesiwler alıp barıp, mámleketimizde bolıp atırǵan jańalanıwlar, xalqımızǵa berilip atırǵan imkaniyatlar menen sociallıq járdemge mútáj shańaraqlarǵa ajıratılıp atırǵan jeńillikler boyınsha túsinikler berip ótti. Sonday-aq jaqınlasıp qalǵan siyasiy mapaz saylawǵa tayarlıq kóriw, átirap aymaqtı abadanlastırıw islerinde belsendilik kórsetiwge shaqırdı.