«Қуралпа» АПЖ да 6 шаңараққа бийпул турақ жайлар тапсырылды

Өзбекстан Республикасы Президентиниң ПҚ-4102-санлы қарарына тийкар сектор баслықларына өз аймағындағы социаллық қорғаўға мүтәж ҳәм кем тәмийинленген шаңарақларға  қайыр-сақаўатлық жәрдемлер берип барыў бойынша ўазыйпалар белгиленген еди. Усы тийкарда район прокуроры, 2-сектор баслығының басламасы менен «Қуралпа» АПЖ аймағындағы үй-жайға мүтәж шаңарақларды баспана менен тәмийинлеў мақсетинде, 6 шаңараққа қәўендерлер тәрепинен 4 ханалы жаңадан турақ жайлар қурып питкерилип, өз ийелерине тапсырылды.

Бүгин усы жайларды тапсырыў салтанаты болып өтти. Онда Қарақалпақстан Республикасы Прокуроры Ф. Алламбергенов, район ҳәкими У. Утамбетов ҳәм аўыл жасы үлкенлери шығып сөйлеп, үй ийелерин қызғын қутлықлап, қәўендерлик көрсеткен тараў басшыларына миннетдаршылықларын билдирди. Буннан соң, шаңарақ ийелерине салтанатлы түрде сертификатлар менен гилтлер тапсырылды.

 Бундай саўаплы ислерден шаңарақ ийелери шексиз миннетдар ҳәм қуўанышлы.  Журт басшымызға, район ҳәкимине, район прокурорына, аўыл ақсақалына өз миннетдаршылықларын билдирип өтти.