Rayondaǵı “Mádeniyat” awıl puqaralar jıyınınıń fermer xojalıqları hár jılı respublikamızda birinshiler qatarında, mámleketke paxta tapsırıw shárnamasın artıǵı menen orınlap kiyatır. Bıyılda olar suwdıń az bolǵan dáwirinde kelgen suwdan únemli paydalanıp, ǵawashalarǵa óz waqtında tárbiya jumısların alıp bardı. Nátiyjede gúzgi paxta zúráátinen mol ónim jetistirdi.

Aymaqtaǵı “Salamat” fermer xojalıǵı 13 gektar ǵawasha maydanınan 31 tn aq altın zúráátin jetistirip, rejeni 101% ke jetkerip artıǵı menen orınladı. Usı múnásebet penen rayon hákimi fermer xojalıǵında bolıp, aldıńǵı fermer xojalıǵın hám terimshilerge harmasın aytıp, erisken tabısları menen qutlıqladı hám olarǵa rayon hákimliginiń bahalı sawǵaların tapsırdı. Rayonda paxta jıyın-terimi shólkemleskenlik jaǵdayında alıp barılmaqta.