ÓzMTDP Qaraózek rayonlıq Keńesi tárepinen Ózbekstan Respublikası Prezidenti saylawı mapazında partiya aǵzaları hám jaslar arasında túrli seminarlar, ilajlar ótkeriliwi belgilengen.Usı maqsette 10-sentyabr kúni «Ózbekstan Respublikası saylaw kodeksine kiritilgen ózgeris hám qosımshalar, saylaw aldı úgit-násiyat ilajlarınıń áhmiyeti» atamasında oqıw seminarı bolıp ótti. Ilájǵa rayon hákimligi, ádillik bóliminen wákilleri hám partiya «Jaslar qanatı» belsendileri, birinshi saylawshılar qatnastı. Seminarda bayanatshılar tárepinen saylaw nızamshılıǵınıń áhmiyeti hám jańa ózgerisler boyınsha túsinik berilip saylaw mapazında jaslardıń belsendiligin asırıw hám birinshi saylawshılarǵa keń túrde maǵlıwmatlar berip ótildi.
