Qaraózek rayonında shólkemlestirilgen “Úsh áwlad” ushırasıwı rayonnan alısta jaylasqan “Aqbetkey” massivinde bolıp ótti. Ushırasıwǵa Ózbekstan qaharmanları, rayonımızdıń jas úlken nuranıyleri, ǵárezsizlik jıllarında ásirese, keyingi bes jıllıqta sport, mádeniyat, kórkem óner hám ádebiyat, ilim-pán hám basqa da tarawlarda úlken nátiyjelerge erisip atırǵan jaslar mirát etiledi. Usı kúni QMU hám NMPI bir qatar belsendi jaslarına ǵárezsizligimizdiń 30 jıllıq kókirek belgileri saltanatlı jaǵdayda tapsırıldı. Ushırasıwda kelgen delegaciya aǵzaları usı aymaqtaǵı Aral teńizi ultanına egilgen jasıl qaplamalı seksewillerdiń ósip rawajlanıwı menen keńnen tanıstı. Ushırasıw sońında jaslarımız quslarǵa ǵamqorlıq qılıw hám olarǵa uya qurıw jumısların alıp bardı.