Ilajǵa Qaraózek rayonı hákimi U. Utambetov, Ózbekstan Respublikası málimleme texnolgiyaları hám kommunikatciyaların rawajlandırıw ministri Sh. Sadikov, IT-park direktorı F. Ibragimov, “Uztelekom” AJ QR filialı direktorı  baslıǵı Q. Tajenov hám Qaraózek rayonındaǵı tiyisli taraw wákilleri menen mektep oqıwshıları qatnastı. Ilajda shıǵıp sóylegenler, zárúr texnologiyalıq qurallar menen úskenelengen orayda jaslarǵa málimleme texnologiyaları hám elektron markiting tarawında innovacion isbilermenlik tiykarların úyretiw, málimleme texnologiyaları tarawında startap joybarlardı qollap-quwatlawdıń zamanagóy hámde nátiyjeli mexanizmlerin jaratıw, kompyuter texnologiyaların dástúrlew, robototexnika hám kibersport tiykarların úyretiw ushın barlıq sharayatlardıń jaratılǵanlıǵın atap ótti.

Oraydan nátiyjeli paydalanıw maqsetinde jaslardan tısqarı  isbilermenlik subektleri hám aymaq xalqı ushın axborot texnologiyaları jónelisinde kúndizgi hám keshki oqıw kursların shólkemlestiriw boyınsha jumıslar alıp barıladı.

Sonday-aq usı kúni miymanlar, Ózbektelekom akcionerlik kompaniyası Qaraqalpaqstan Respublikası filialı, Qaraózek rayonlıq telekommunikaciya tarmaǵı imaratınıń iri ońlaw jumısları menen tanısıp, jumısshılarǵa jaratılǵan qolaylıqlardı kózden ótkerdi.