Qaraqalpaq ádebiyatınıń kórnekli wákili, shayır, jurnalist “Doslıq” ordeni iyesi jerlesimiz Gúlnara Nurlepesovanıń tuwılǵanlıǵına 60 jıl toldı. Sol múnásibet penen Qaraózek rayonı 16-sanlı  Balalar muzıka hám kórkem-óner mektebinde “Gúlnara Nurlepesova 60 jasta” atamasında ádebiy ushırasıw keshesi bolıp ótti. Ushırasıwǵa xalqımız názerinen orın alǵan jazıwshılar, shayırlar, kórkem-óner ǵayratkerleri menen dóretiwshi insanlar qatnastı. Ilaj dawamında shayırdıń ómir jolı dóretiwshiligi, qálemine tiyisli tákirarlanbas qosıq qatarları, qatnasıwshılar tárepinen oqıp berildi. Bunnan soń jaslarımız benen keńnen sáwbetlesiwler alıp barılıp, olardıń qızıqtırǵan sorawlarına juwaplar berildi. Sonday-aq ilajda belgili jurnalist G. Nurlepesovaǵa  rayon hákimligi tárepinen tayarlanǵan húrmet jarlıqlar bahalı sawǵalar tapsırıldı. Ilaj sońında qatnasıwshılarǵa 16-sanlı Balalar muzıka hám kórkem-óner mektebiniń qábiletli oqıwshı jasları tárepinen tayarlanǵan koncert baǵdarlaması qoyıp berildi.