Rayonımızda házirgi payıtta paxta jıyın terimi mapazı qızǵın dawam etpekte. Usınday mapazda rayon xalqı awızbirshilik penen paxta zúráátin jawın shashınlı kúnlerden burın terip alıwǵa háreket etpekte. Hátteki, jası úlken nuranıy aǵalarımızda paxta jıyın terimine óz úleslerin qosıp, jaslarǵa órnek bolmaqta. Búgin rayon hákimi hám úshinshi sektor baslıǵı  rayondaǵı “Mádeniyat” awıl puqaralar jıyını aymaǵındaǵı «Dúysenǵalıy diyxan» fermer xojalıǵında bolıp, nuranıy terimshiler menen ushırasıp, olarǵa harmasın ayttı. Usı kúni terimshilerge rayonlıq Mádeniyat bólimi tárepinen koncert baǵdarlamalarıda shólkemlestirildi.