Qaraózek rayonındaǵı “Berdaq” APJ “Qayshılı” awılında jasawshı, birinshi topar mayıbı Klara Bekjanova sociallıq  járdemge mútáj insanlardan edi. Onıń otırǵan jayınıń tozıwı jetip,  jasaw múmkinshiligi bolmaǵannan soń, rayon hákimine múrájat etti. Bul múráájattı rayon hákimi  úyrenip shıǵıp, tiyisli shólkemlerdiń járdemleri menen qáwenderlikke alındı. Usı jıldıń may ayınan baslap rayondaǵı bir qatar qáwender mákemelerdiń járdemi menen K. Bekjanovaǵa tazadan jay tiklep beriw ushın qurılıs jumısları alıp barıldı.

 Házir bolsa onıń jayı tolıq qurıp pitkerilip, 3 xanalı ıqsham etip salıp berildi. Usı múnásebet penen rayon hákimi, bir qatar qáwender shólkemlerdiń basshıları menen awıl jas úlkenleri, K. Bekjanovanıń  shańaraǵında bolıp, shańaraq iyesin hám qurılısshılardı qutlıqladı hám qáwenderlerge óz minnetdarshılıqların bildirdi.