Ózbek tiline mámleketlik til biyliginiń beriliwi xalqımızdıń milliy ǵárezsizlikke erisiw jolındaǵı áhmiyetli qádemlerinen biri bolǵan. Bıyıl ózbek tiline mámleketlik til biyligi berilgenligine 32 jıl toladı. Sol múnásibet penen Qaraózek rayonı XBBne qaraslı 8-sanlı UOBB mektebinde «Til millettiń kórki» atamasında ádebiy keshe shólkemlestirildi. Ilajǵa Qaraqalpaqstan Respublikası Xalıq bilimlendiriw xızmetkerlerin qayta tayarlaw hám olardıń qánigeligin arttırıw aymaqlıq orayı professor oqıtıwshıları, Respublikalıq oqıw metodikalıq orayı, Respublika Ruwxıylıq hám aǵartıw orayı rayonlıq bólimi hám mektep jámááti qatnastı. Ilaj dawamında pán aylıǵı sheńberinde ashıq sabaqlar, qábiletli oqıwshı jaslar tárepinen tayarlanǵan koncert baǵdarlamaları qatnasıwshılar názerine usınıldı.