Deputat hám jaslar ushırasıwı

Qaraózek agroekonomika texnikumında Isbilermenler Háreketi – Ózbekstan Liberal-demokratiyalıq partiyası Qaraózek rayonlıq Keńesi tárepinen Prezidentimiz Sh.Mirziyoevtıń «Jańa Ózbekstan strategiyası» atamasındaǵı kitabınıń mazmun-mánisi hám saylawda birinshi márte qatnasıwshı jaslar ushın «Meniń birinshi dawısım» temasında úgit-násiyatlaw ilajı shólkemlestirildi.

Ilajǵa Ózbekstan Respublikası Oliy Majlis Nızamshılıq palatası deputatı B. Aldamuratov, ÓzLiDeP Qaraózek rayonlıq Keńesi apparat baslıǵı hám agroekonomika texnikumı oqıtıwshıları menen oqıwshı jasları qatnastı.

Ushırasıwda deputat B. Aldamuratov sózge shıǵıp, «Jańa Ózbekstan strategiyası» atamasındaǵı kitabınıń mazmun-mánisi, áhmiyeti haqqında túsinik berip, mámleketimizde  aldımızdaǵı bes jıllıqta barlıq tarawlarda ámelge asırılatuǵın jumıslar, sonıń ishinde máhállelerge qaratılıp atırǵan úlken itibarların mısallar menen keltirip ótti. Sonday-aq usı jıldıń 24-oktyabr kúni bolıp ótetuǵın Prezident saylawında birinshi márte dawıs beriwshi jaslarǵa saylaw nızamshılıǵı boyınsha túsinikler berildi. Ilaj dawamında jaslar ózleriniń qızıqtırǵan sorawlarına juwaplar aldı.