Qaraqalpaqstan Respublikası aymaǵında socillıq-ekonomikalıq turmıslıq mashqalaları awır bolǵan puqaralar jıyınlarında qurılıs hám abadanlastırıw jumısların alıp barıw maqsetinde mánzilli dizim qáliplestirildi. Usı tiykarda rayondaǵı «Qaraózek» APJ awır aymaq dástúrine kiritilip, aymaqtıń qurılıs hám abadanlastırıw jumısları ushın 1,5 mlrd sum qarjı ajıratılıp, qurılıs jumısları baslanıp ketti.

Usı joybar tiykarında aymaqtaǵı APJ orayına, «Qostamǵalı», «Búgejeli», «Toybergen», «Samat» hám «Taz» awıllarına 6 orınnan suwdı dushshılandırıwshı úskeneler, balalar ushın futbol maydanshası qurılısı, oraydaǵı «Madeniyat úyi» átirapına burschatka basıw hám abadanlastırıw, «Samat» awılı orayındaǵı 755 metr jolǵa qurılıs ońlaw jumısları, tiyisli qurılıs kárxanaları tárepinen alıp barılmaqta.