Shaxsqa tiyisli maǵlıwmatlardı jıynaw ámelge asırılatuǵın sorawlar dizimi xalıqtı dizimge alıw dástúri esaplanadı.
Xalıqtı dizimge alıw dástúri tómendegilerdi óz ishine aladı:
familiyası, atı, ákesiniń atı;
tuwılǵan sánesi hám ornı;
jası;
jınısı;
milleti;
puqaralıǵı;
jasaw ornı;
tillerdi biliwi;
maǵlıwmatı;
neke jaǵdayı;
balalarınıń sanı;
úy xojalıǵı dúzilisi;
úy-jay sharayatları;
bántligi;
jasaw ushın qárejetleri;
migraciya (ishki hám sırtqı).
Ózbekstan Respublikası Ministrler Keńesiniń qararına tiykar Xalıqtı dizimge alıw dástúrine qosımsha ráwishte basqa sorawlar kiritiliwi múmkin.
Juwapları mámleket sırlarına hám nızam menen qorıqlanatuǵın basqa sırlı maǵlıwmatlardı óz ishine alıwı múmkin bolǵan, puqaralardıń huqıqları, erkinlikleri hám de nızamlı máplerin buzıwshı sorawlar kiritiliwge jol qoyılmaydı.
Dizimge alıw jurnalınıń formaları Xalıqtı dizimge alıw dástúri tiykarında islep shıǵıladı hám tastıyıqlanadı.
Shomanay rayonı statistika bólimi