Mámleketimizde Ishki isler organları jumısların reformalaw hám rawajlandırıw boyınsha Nızamshılıqta qatar normativ hújjetler qabıl etildi. Taraw xızmetkerleri ushın jáhán standartlarına sáykes baylanıs, texnika hám zamanagóy xabar kommunikaciya úskeneleri menen támiyinlendi. Ishki isler organları xızmetkerleri xalıq hám ózin-ózi basqarıw organları menen birgelikte jumıs alıp barıwı jaqsı jolǵa qoyıldı. Máhálle belsendileri, profilaktika inspektorları, máhálle pasbanları menen bir imaratta birge islesiwi jınayatshılıqtıń hám huqıqbuzarlıqtıń aldın alıwda úlken nátiyje bermekte. Bir sóz benen aytqanda, ishki isler uyımları xızmetkerleri elimizdiń abadanshılıǵı, xalıqtıń qáwipsizligin támiyinlew, jámiyet tártibin saqlaw hám hár túrdegi huqıqbuzarlıqlardıń aldın alıw, jınayatshılıqqa qarsı gúresiwdey mashaqatlı wazıypanı shın kewilden islep, xalqımızdıń joqarı isenimine, itibarına túspekte. Soday-aq, olar xalqımız arasınan jetilisip shıqqan ǵárezsiz el perzentleri bolıp tabıladı. Olar ushın ana watanǵa xızmet etiw hár dayım muqaddes wazıypa bolıp qala beredi.

Húrmetli taraw xızmetkerleri!

Sizlerdi búgingi bayram menen  qutlıqlay otırıp, shańaraqlarıńızǵa amanlıq, ózlerińizge bekkem den-sawlıq, jumıslarıńızda tasqın tabıslar tileymiz. Mámleketimiz tınıshlıǵı, puqaralardıń párawanlıǵı jolındaǵı juwapkerli hám mashaqatlı kásiplik xızmetińizde jetiskenliklerińiz mol bolıwına tilekleslik bildiremiz.

Qaraózek rayonı hákimligi