Qaraózek rayonı hákimiyatınıń májilisler zalında Xalıq deputatları rayonlıq Keńesiniń gezektegi sessiyası bolıp ótti. Sessiyaǵa rayonlıq Keńestiń deputatları, sektor baslıqları, rayon hákiminiń orınbasarları, ózin-ózi basqarıw uyımları, mákeme, shólkem basshıları menen ǵalaba xabar quralları wákilleri qatnastı.Sessiya jumısın Keńes baslıǵı U.Utambetov basqarıp bardı.

Sessiya kún tártibinde sektor basshıları hám bir qatar tarawlardıń basshılarınıń 2021-jıldıń 9 ayı dawamında ámelge asırılǵan jumısları boyınsha esabatları tıńlandı. Bunnan soń sessiyanıń kún tártibi boyınsha byudjet processinde puqaralardıń belsendi qatnasıwın támiyinlew baǵdarında ashıq byudjet portalında puqaralar baslamaların ámelge asırıw tártipleri, «Jaslar dápteri», «Hayallar dápteri» tiykarında ámelge asırılǵan jumıslar boyınsha maǵlıwmatlar berildi. Kún tártibindegi máseleler boyınsha sheshimler qabıl etilip, aldaǵı rejeler belgilenip alındı.