2017-2021 jıllarda Ózbekstan Respublikasın rawajlandırıwdıń bes áhmiyetli jónelisi boyınsha háreketler strategiyasında jınayatshılıqqa qarsı gúresiw hám huqıqbuzarlıqlardıń  aldın alıw barısındaǵı jumısların muwapıqlastırıw ekstremizm, terrorizm hám korrupciyaǵa qarsı gúresiwdiń huqıqıy mexanizmlerin bekkemlew hám nátiyjeliligin asırıw, xalıqtıń huqıqıy mádeniyatın joqarılatıw wazıypaları belgilep berilgen.

Sol múnásebet penen Qaraózek rayonı XBB ne qaraslı 33-sanlı ulıwma orta bilim beriw mektebinde  ushırasıw bolıp ótti. Ushırasıwǵa  Qaraózek rayonlıq ishki isler bólimi  hayal-qızlar menen islesiw boyınsha inspektorı N. Bekimbetova, psixolog inspektor I. Begjanov, IIB profilaktika inspektorı B. Pirdanovlar qatnastı. Ilaj dawamında oqıwshı jaslar arasında jınayatshılıq hám huqıqbuzarlıqlar, jaslar arasında náshebentlikke qarsı gúresiw hám aldın alıw temasında keń túrde túsinikler berildi. Ilaj sońında mektep oqıwshıları ózlerin qızıqtırǵan sorawlarına juwaplar aldı.