Búgin Qaraózek rayonı 16-sanlı Balalar muzıka hám kórkem-óner mektebinde jaslar arasında sociallıq-ruwxıy ortalıqtı támiyinlew, dinlerara bawırkeńlikti bekkemlew hám terrorizm, ekstremizm sıyaqlı jat illetlerge qarsı ideologiyalıq immunitetti qáliplestitiw maqsetinde “Hesh kim mehir hám itibardan shette qalmasın!” atamasında tańlaw ótkerildi. Tańlawda Ózbekstan Respublikası Ministrler Kabineti janındaǵı Din isler boyınsha komitetiniń Qaraqalpaqstan Respublikası aymaqlıq basqarması qánigeleri N. Jamalov, B. Ayımbetova, Qaraqalpaqstan Respublikası Musılmanlar qaziyatınıń hayal-qızlar máseleleri boyınsha qánigesi T. Dosımbetovalar miymanda boldı.

Tańlawǵa rayon aymaǵındaǵı mektep oqıwshıları belsene qatnastı. Tańlaw juwmaǵında 28-sanlı mekteptiń «Ziyalı jaslar» komandası III orın,  33-sanlı mekteptiń «Parlament» komandası II orın hám 8-sanlı mekteptiń «Jas huqıqshılar» komandası I orındı jeńip alıwǵa miyassar bolıp, shólkemlestiriwshiler tárepinen bahalı sawǵalar hám diplomlar tapsırıldı. Tańlaw sońında  rayon hákimliginiń májilisler zalında rayon aymaǵındaǵı mektep direktorları hám orınbasarları qatnasında ushırasıw bolıp ótti. Ushırasıwdan maqset sociallıq-ruwxıy ortalıqtı támiyinlew, milletlerara tatıwlıqtı bekkemlew, jaslardı jat illetler tásirinen qorǵaw, kiyiniw mádeniyatına ámel etiwleri haqqında aytıp ótildi.