Ózbekstan Respublikası Prezidentiniń Qaraózek rayonı Xalıq qabıllawxanası imaratında belgilengen kestege muwapıq, Qaraqalpaqstan Respublikası Joqarǵı sudı sudyaları, Ishki isler ministrligi, Qaraózek rayonı Xalıq qabıllawxanası hám rayondaǵı huqıq qorǵaw uyımları qatnasında onlayn tárizde múrájatshılardı qabıllaw bolıp ótti. Onlayn qabıllawda sud qararların alıw hám olardıń orınlanıwı, hákimshilik sud tárepinen belgilengen járimanı jeńilletiw hámde sud imaratına texnik xızmetker bolıp jumısqa qabıllaw boyınsha  6 múrájat qabıl etilip, orınlanıwı qadaǵalawǵa alındı. Sonıń menen birge usı kúni rayondaǵı sektorlar hám mákemeler wákilleri qatnasında múrájatlardı qabıllaw bolıp, qabıllawda materiallıq járdem, jumıs penen támiyinlew hám ózge shaxslardan pulların alıp beriw máselelrinde múrájatlar bildirildi.

Rayondaǵı sektorlar hám mákemeler wákilleri qatnasındaǵı qabıllawda bildirilgen múrájatlarǵa ámeldegi nızamshılıqqa muwapıq túsinikler berildi hám qosımsha úyreniw talap etetuǵın múrájatlar qadaǵalawǵa alındı.