Húrmetli jurtbasshımız jaslardı qollap-quwatlaw, olardıń bos waqıtların mazmunlı ótkeriw maqsetinde 5 áhmiyetli baslamanı alǵa súrgen edi. Usı baslama tiykarında jaslardıń sport penen turaqlı shuǵıllanıwları ushın keń imkaniyatlar jaratıldı. Qalalıq orınlarda bolǵan imkaniyatlar, eń shetki awıllıq jerlerde de jaratılmaqta.

Búgin rayondaǵı «Qaraózek» APJ da jasıl qaplamalı futbol maydanshası qurıp pitkerildi. Usı múnásebet penen maydanshanıń ashılıw saltanatı bolıp, oǵan rayon hákimi U. Utambetov hám awıl jas úlkenleri qatnastı. Onda shıǵıp sóylewshiler, awıl xalqın hám jaslardı sport maydanshasınıń ashılıwı menen qutlıqlap, jaslarǵa jaratılıp atırǵan imkaniyatlardı maqtanısh etti. Bunnan soń qatnasıwshılar sportshı jaslardıń sport oyınların tamasha etti.