Búgin Respublika Ruwxıylıq hám aǵartıw orayı rayonlıq bɵlimi tárepinen rayonlıq kásip-óner mektebinde rayonlıq xalıq bilimlendiriw bólimine qaraslı ulıwma orta bilim beriw mekteplerine biriktirilgen dóretiwshi-mádeniy máseleler boyınsha úgit-násiyatshılar arasında «Úlgili úgit-násiyatshı» Respublikalıq tańlawınıń Qaraózek rayonlıq basqıshı shólkemlestirildi. Tańlawǵa rayonlıq xalıq bilimlendiriw bólimine qaraslı mekteplerdiń dóretiwshi mádeniy máseleleri boyınsha úgit-násiyatshıları qatnastı.

Tańlawdıń ashılıw máresiminde Qaraqalpaqstan Jazıwshılar awqamı baslıǵınıń orınbasarı B. Ernazarov, Ózbekstan hám Qaraqalpaqstan jazıwshılar awqamı aǵzası, Poeziya Keńesiniń baslıǵı A. Qaipov, Respublika Ruwxıylıq hám aǵartıw orayı Qaraqalpaqstan bóliminiń bas  qánigesi P. Jumamuratovlar shıǵıp sóylep, sońǵı jıllarda elimizde ruwxıy-aǵartıwshılıq jumıslar sistemasın rawajlandırıw baǵdarında alıp barılıp atırǵan jumıslar hám búgingi Respublika Ruwxıylıq hám aǵartıw orayı Qaraqalpaqstan bóliminiń baslaması menen ótkerilip atırǵan tańlawdıń áhmiyetine keń túrde toqtap ótti.

Bunnan soń qatnasıwshılar tańlaw rejesinde kórsetilgen shártler tiykarında óz jumısların hám dóretiwshiligin tanıstırdı. Tańlaw tóreshiler quramı tárepinen ádil bahalanıp barıldı hám oǵan kóre «Úlgili úgit-násiyatshı» Respublikalıq tańlawı Qaraózek rayonlıq basqıshınıń jeńimpazları anıqlandı. Tańlaw juwmaǵında I orındı 25-sanlı ulıwma orta bilim beriw mektebinen A. Doshmuratova jeńimpaz bolıp, usı jıldıń noyabr ayında bolıp ótetuǵın Qaraqalpaqstan Respublikalıq basqıshına jollama aldı. Sonday-aq, «Shólkemlestiriwshi úgit násiyatshı», «Eń jaqsı úgit-násiyatshı», «Eń aǵla úgit-násiyatshı» hám «Eń sheber úgit-násiyatshı» nominaciyaları boyınsha da jeńimpazlar anıqlandı. Sıylı orın iyeleri hám nominaciya jeńimpazları Respublikalıq Ruwxıylıq hám aǵartıw orayı Qaraózek rayonlıq bólimi tárepinen diplom hám bahalı sawǵalar menen sıylıqlandı.