Ózbekstan Respublikası Prezidenti Oliy Majliske jollaǵan múrájatnamasında tálim-tárbiya, ilim-máripat, máselelerine ayırıqsha toqtap ótip, hár tárepleme jetilisken hám nátiyjeli basqarıw sistemasın jaratıw boyınsha wazıypalardı atap ótip, mámleketlik emes shólkemlerge isenim bildiriwi, kásiplik awqamları ushında úlken juwapkershilik  júkledi. Prezidentimiz tárepinen 2020-jıl 23-noyabrde Ózbekstan Respublikasınıń WRQ- 648-sanlı «Ózbekstan kásiplik awqamları kúnin belgilew haqqında» ǵı nızam qabıl etildi. Oǵan bola, 11-noyabr – «Kásiplik awqamları kúni» dep belgilendi. Bul jańalıq elimizdegi  kásiplik awqamları aǵzaları tárepinen joqarı húrmet penen kútip alındı. 

Usı múnásebeti penen rayondaǵı “Kásip óner” mektebinde Qaraózek bilimlendiriw hám ilim xızmetkerleri kásiplik awqamı rayonlıq bólimshesi tárepinen bayram keshesi bolıp ótti. Oǵan rayon hákiminiń orınbasarları, bilimlendiriw tarawı xızmetkerleri qatnastı. Onda shıǵıp sóylegenler qatnasıwshılardı 11-noyabr “Kásiplik awqamları qúni” bayramı menen qızǵın qutlıqlap,  bilimlendiriw tarawındaǵı kásiplik awqamı baslanǵısh shólkem baslıqlarına húrmet jarlıqlar menen bayram sawǵaların tapsırdı.