Mámleketimizde sońǵı jıllarda jaslar siyasatında túp burılıslar júz berip, jaslar ushın keń imkaniyatlar jaratılmaqta. Ásirese, qollap-quwatlawǵa mútáj, baǵıwshısın joǵaltqan, joqarı oqıw orınlarında tálim alıwdı qálewshi, kásip-óner iyelewge qumar jaslarǵa materiallıq járdemler berilmekte.
Usı maqsette rayonımızda jumıssız, járdemge mútáj jaslardıń mashqalaları úyrenilip, “Jaslar dápteri” ne dizimge alınǵanlarǵa rayon hákimligi tárepinen qáwenderlik ilajları shólkemlestirilmekte. Atap aytqanda, rayondaǵı sociallıq járdemge mútáj, baǵıwshısın joǵaltqan 14 jastıń 53,6 mln.sum muǵdarındaǵı kontrakt pulları hám 13 jastıń áskeriy xızmetti ótewleri ushın 57 mln sum muǵdarındaǵı shártnama pulları tólep berildi.
