Rayondaǵı Mámleketlik xızmetler orayınıń ashılıwı menen xalqımızǵa bir neshe mámleketlik xızmetler kórsetiw imkaniyatı jaratıldı. 2021-jıldıń  9 ayı daӱamında xalqımızǵa 20 957 mámleketlik xızmetler kórsetilip, ótken  jılǵa salıstırǵanda 6 246 xızmet artıǵına orınlanıp, mámleketlik xızmetler sanınıń kórsetkishi jıldan jılǵa asqanın kóre alamız.

Búgin usı orayda rayondaǵı 1-sanlı mektep oqıwshılarınıń qatnasıwında “Ashıq esikler” kúni shólkemlestirildi. Onda oray xızmetkerleri tárepinen oqıwshılarǵa xalqımızǵa islenip atırǵan mámleketlik xızmet túrleri tanıstırılıp, keńnen sáwbetlesiwler alıp barıldı hám oray jumısları menen tanıstı.