Birlesken milletler shólkeminiń Bas Assambleyasınıń qararına kóre, 1997-jıldan berli 16-noyabr kúni pútkil dúnyada «Xalıqaralıq keń peyillik kúni» sıpatında belgilenip kelinbekte. Ózbekstanda bul sáneni belgilew jaqsı dástúrge aylanǵan. Bul sáne múnásibeti menen 16-sanlı balalar muzıka hám kórkem-óner mektebinde ruwxıy-aǵartıwshılıq mádeniy ilaj shólkemlestirildi. Ilaj dawamında hár túrli millet wákillerine tiyisli kiyim-kenshekler kórgizbesi, súwretler tańlawı, málimleme kitapxana orayına jańadan kelgen kitaplar kórgizleri shólkemlestirildi. Ilaj sońında 16-sanlı Balalar muzıka hám kórkem-óner mektebi hám Mádeniyat bólimi xızmetkerleri tárepinen bayram koncert baǵdarlamaları qatnasıwshılar názerine usınıldı.