Qaraózek rayonı Mámlketlik xızmetler kórsetiw orayınıń májilisler zalında rayon hákimliginiń málimleme xızmeti, Respublika Ruwxıylıq hám aǵartıw orayı  rayonlıq bólimi, Xalıq bilimlendiriw bólimi hám mekteplerge biriktirilgen dóretiwshi-mádeniy máseleler boyınsha úgit-násiyatshılar qatnasıwında baspasóz konferenciya bolıp ótti.

Konferenciyada rayonlıq Respublika Ruwxıylıq hám aǵartıw orayı  rayonlıq bólimi baslıǵı ótken 9 ay dawamında ruwxıy-aǵartıwshılıq tarawında islengen jumıslar boyınsha maǵlıwmatlar berip ótti. Konferenciya dawamında oqıwshı jaslardıń dóretiwshilik qábiletlerin júzege shıǵarıw barısında ámelge asırılıp atırǵan jumıslar hám social tarmaqlarǵa málimleme beriw tártipleri túsindirildi. Konferenciya soraw-juwaplar menen dawam etti.