Búgin rayon hákimi rayondaǵı «Elesta» fermer xojalıǵınıń atız basında fermer xojalıqları hám awıl xojalıǵına tiyisli qánigeler menen ushırasıw ótkerdi. Onda jerlerge gúzgi shúdigarlaw júrgiziw, kelgen suwlardan únemli paydalanıw hám egislik maydanlardı lazerli zamanagóy mexanizimler járdeminde tegislew jumısların alıp barıw keshiktirip bolmaytuǵın jumıslar ekenligine toqtap ótti. Sonday-aq atız mádeniyatın rawajlandırıw, jol boylarına terek nállerin egiw, báhárgi máwsimge texnika remontın tez kúnler ishinde juwmaqlaw zárúr ekenligi atap ótildi hám bul baǵdarda tiyisli taraw basshılarna qatań tapsırmalar berildi.