Qaraózek rayon hákimliginiń májlisler zalında Xalıq deputatları Qaraózek rayonlıq Keńesiniń gezektegi sessiyası bolıp ótti. Sessiyaǵa rayonlıq Keńestiń deputatları, sektor baslıqları, rayon hákiminiń orınbasarları, ózin-ózi basqarıw uyımları, mákeme, shólkem basshıları menen ǵalaba xabar quralları wákilleri qatnastı. Sessiya jumısın Keӊes baslıǵı U.Utambetov basqarıp bardı. Sessiya kún tártibinde tábiyiy gaz qadaǵalawın hám esabınıń avtomatlastırılǵan sistemasın engiziw joybarın ámelge asırıw, awıl xojalıǵında suwdı tejewshi texnologiyalardı shólkemlestiriw, «Abat awıl» hám «Abat máhálle» mámleketlik baǵdarlaması tiykarında ámelge asırılıp atırǵan jumıslar hám sociallıq taraw obektlerin gúz-qıs máwsimine tayarlawdı támiyinlew baǵdarında ámelge asırılıp atırǵan jumıslardıń barısı haqqında tiyisli taraw basshılarınıń esabatları tıńlandı.

Bunnan soń sessiya kún tártibi boyınsha Xalıq deputatları Qaraózek rayonlıq Keńesiniń bosaǵan orınlarǵa deputat saylawı kúnin belgilew hám rayonlıq Xalıq bilimlendiriw bólimine qaraslı 7- hám 9-sanlı ulıwma orta bilim beriw mektebi direktorı lawazımına bos turǵan orınǵa talabanlardıń aldaǵı úsh jıllıq baǵdarlamaları tıńlandı. Sessiya sońında kún tártibindegi máseleler boyınsha sheshimler qabıl etilip, aldaǵı rejeler belgilep alındı.