Birlesken Milletler Shólkemi Bas Assembleyası tárepinen 2000-jılda qabıl etilgen rezolyuciyası tiykarında pútkil dúnyada “25 noyabr –Hayal-qızlarǵa baylanıslı zorlıqqa qarsı gúresiw kúni” keń túrde belgilenip kelinbekte. Usı múnásebet penen rayondaǵı 16-sanlı Balalar muzıka hám kórkem-óner mektebinde “Biz zorlıqqa qarsımız” atamasında seminar trening bolıp ótti.

 Seminarǵa Qaraqalpaqstan Respublikası Hayallardı reabilitaciya etiw hám beyimlestiriw orayı direktorı S. Nasirova, psixolog R. Amanova hám rayon aymaǵındaǵı 13 ózin-ózi basqarıw uyımları baslıqlarınıń shańaraq, hayal-qızlar hám sociallıq ruwxıy máseleler boyınsha orınbasarları menen aymaqta jasawshı hayal-qızlar qatnastı. Onda shıǵıp sóylegenler zorlıq hám óz janına qas etiw jaǵdaylarınıń aldın alıw, usı hárektlerden jábirlengenlerdi qollap-quwatlaw baǵdarında psixologiyalıq túsinikler berip ótti. Seminar soraw juwaplar menen dawam etti.