Mámleketimiz basshısı Shavkat Mirziyaev óz wákilligine kirisiwi menen Prezident retinde qol qoyǵan eń birinshi hújjet «Korrupciyaga qarsı gúresiw haqqında»ǵı Ózbekstan Respublikası nızamı boldı.Usı nızam normalarınıń nátiyjeli orınlanıwın támiyinlew jamiyet hám mámleket kelesheginiń barlıq tarawlarında korrupciyanıń aldın alıwǵa baylanıslı is rejelerdi óz waqtında hám sıpatlı ámelge asırıw maqsetinde Prezidenttiń 2017-jıl 2-fevraldaǵı qararı menen «2017-2018 jıllarǵa mólsherlengen korrupciyaga qarsı gúresiw mamleketlik dásturi» qabıl qılındı. Dástur sheńberinde bir qatar nızam joybarları islep shıǵıldı, bar bolǵanları inventarizatsiyadan ótkerildi.Ulıwma alǵanda sońǵı jıllarda qılıngan isler nátiyjesi, puqaralardıń huqıqıy sanası hám huqıqıy mádeniyatın asırıwǵa, jámáátte korrupciyaǵa kelispew múnásibetin qáliplestiriwge baylanıslı tizimli rejeler islengenin kórsetip turıptı.
Reformalardı ámelga asırıw barısında puqaralardıń huqıq hám máplerin qorǵaw,mámleket hákimiyatı hám basqarıw organları iskerliginiń ashkaralıǵı, jámáát hám parlament baqlawın támiyinlew mexanizmleri qáliplestirildi, sonday –aq, nızamdı qorǵaw hám sud organları isleriniń nızamlı tiykarları islep shıǵıldı.
Korrupciyaǵa qarsı gúresiw dúnya júzinde búgingi kúnniń eń baslı máseleleriniń biri bolıp kelmekte. Bul illetke qarsı gúresiw dúnyanıń kóplep mámleketlerin qamtıp almaqta. Ózbekstan Respublikası da korrupciyaga qarsı gúresiwde óz úlesin qosıp kelmekte. Házirgi waqıtta respublikamızda korrupciyaǵa qarsı gúres sheńberinde bir qatar dásturler qabıl qılındı hám olar boyınsha bir qansha isler ámelge asırılıp kelinbekte.
2019-jıl 9-yanvardaǵı Ózbekstan Respublikası Prezidentiniń 5618-sanlı «Jámiyette puqaralardıń huqıqıy sanasın hám huqıqıy mádeniyatın túpten jetilistiriw haqqında» ǵı pármanı tiykarında respublikamizdıń barlıq orınlarında názerde tutılǵan basqa baslı máseleler qatarında korrupciyaǵa qarsı gúresiwde puqaralardaǵı huqıqıy sanası hám huqıqıy mádeniyatın asırıwǵa baylanıslı pikir alısıwlar ótkerilip kelinbekte. Asirese Taxtakópir, Qaraózek, rayonları boylap PXAJ xizmetkerleri menen birgelikte Korrupciyaǵa qarsı gúres barısındaǵı is-rejelerge qatnasıp kelinbekte.
Sonday-aq PXAJ bólimine múrájaat etken hár bir puqara menen jaqsı múnásibette bolıp korrupciyanıń aldın alıw boyınsha túsindiriw jumısları alıp barılmaqta.
PXAJ bólimi xizmetkerleri 24.02.2020-jılı Ózbekstan Respublikası Adillik Ministrliginiń 49-um sanlı Ózbekstan Respublikası Ádillik Ministrliginiń Korrupciyaga qarsı gúresiw tarawın elede jetilistiriw haqqındaǵi buyrıǵına tiykar jumıs alıp barmaqtamız.
PHAJ bólimindegi paydalanǵan xizmetleri ushın tólemlerin puqaralar ózleri elektron baylanıslar tárizinde gadjetlar hám mobil telefonları arqalı ámelge asırıp kelmekte. Bul álbette xizmetkerler ushın hámde puqaralar ushında júdá qolaylı.
Sagindikova A.J.
Taxtakópir rayon PHAJ bolimi baslıǵı
