Rayon hákimi U. Utambetov «Esim» MPJ da jasawshı puqaralar menen ushırasıw ótkerdi. Ushırasıwǵa, rayondaǵı mákeme, kárxana, shólkem basshıları qatnastı. Onda, dáslep aymaq puqaraları menen sáwbetlesiw ótkerilip, olardıń pikir usınısların tıńladı. Rayon hákimi óz sózinde 2021-jıl dawamında rayonda islenip atırǵan jumıslar, mámleketimiz tárepinen xalqımızǵa berilip atırǵan imkaniyatlar boyınsha maǵlıwmatlar berip ótti. Bunnan soń aymaq turǵınları ózlerin qıynap atırǵan mashqalalar hám usınısları boyınsha rayon hákimine múrájat etti. Olardıń ayırımlarına sol jerdiń ózinde juwap qaytarılıp, waqıt talap etetuǵın mashqalalar tiyisli tártipte kórip shıǵılıp, taraw basshılarına tapsırmalar berildi. Múrájattıń kópshiligi jol, elektr energiyası boyınsha berildi.
