Búgin rayondaǵı “Qaraózek” PPJ hám “Qoybaq” APJ nıń jańa imáratları paydalanıwǵa tapsırıldı. Onda rayon hákimi U. Utambetov, awıl jas úlkenleri aymaq xalqın imarattıń ashılıwı menen qutlıqlap, qurılısshılarǵa óz minnetdarshılıqların bildirdi. Ashılıw saltanatlarında dástúriy lentalar kesilip, jańa imarattıń ishki bólmeleri, xızmetkerlerge jaratılǵan sharayatlar menen tanısıp shıqtı. Bunnan soń, usı tarawlarda jumıs alıp baratuǵın xızmetkerlerge jumıs babında paydalanıwı ushın Máhálle hám shańaraqtı qollap-quwatlaw ministrligi tárepinen kompyuter úskeneleri tapsırıldı. Bul eki imarat rayondaǵı “Reym qurılıs” JShJ ti qurılısshıları tárepinen qurıp, paydalanıwǵa tapsırıldı.