Dúnyada insanlardıń bir-birin qádirlewi, quwanısh hám qayǵısın bólisiwi, ǵamqorlıq kórsetiw, hal-jaǵdayınan xabar alıw, insanǵa tán pazıyletlerden bolıp sanaladı. 3-dekabr Xalıqaralıq “Mayıplar kúni” múnásebeti menen sociallıq járdemge mútáj hám mayıplıǵı bolǵan puqaralarǵa rayon hákimligi tárepinen húrmet-izzet kórsetilip, bayram dásturxanı jayıldı. Ilajda rayon hákimi hám basqalar bárshe qatnasıwshılardı sáne múnásebeti menen qutlıqlap, shańaraqlarına amanshılıq, ózlerine bekkem den-sawlıq tiledi. Bunnan soń járdemge mútáj, mayıplılıǵı bolǵan puqaralarǵa sıylı sawǵalar tapsırılıp, koncert baǵdarlamaları qoyıp berildi.