Búgin rayon hákimi, birinshi sektor baslıǵı rayondaǵı belsendi hám jámlespegen jaslar menen ushırasıw  ótkerdi. Ushırasıwǵa  hákim orınbasarları, jaslar isleri agentligi rayonlıq bólimi baslıǵı hám rayondaǵı mákeme, shólkem basshıları qatnastı.Ushırasıw dawamında sektor baslıǵı jaslar menen ashıqtan-ashıq sáwbet júrgizip, mámleketimiz tárepinen jaslarımızǵa berilip atırǵan imkaniyatlardan durıs paydalanıw, óz isbilermenligin baslamaqshı bolǵan jaslardı qollap-quwatlaytuǵınlıǵın bildirdi.

 Bunnan soń jaslarda rayonımızdaǵı bolıp atırǵan jańalanıwlar, ózgerislerge kewilleri tolıp, rayon hákimine óz minnetdarshılıqların bildirdi. Sonday-aq ózleriniń aymaǵında hám jaslar arasında ushırasıp atırǵan mashqalalar boyınsha pikir usınısların aytıp ótti. Bunnan soń rayon hákimi jaslar ushın áhmiyetli mashqalalardı anıqlaw hám sheshiw boyınsha is-ilajlar kóriw, jaslardıń usınıs hám baslamaların qollap-quwatlaw, jaslarǵa jeńilletilgen kreditler ajıratıw arqalı isbilermenlik jumısların baslatıw boyınsha tiyisli taraw basshılarına tapsırmalar berip, orınlanıwı boyınsha qadaǵalawǵa alınıwdı eskerip ótti. Sáwbetlesiw sońında bir qatar belsendi jaslar rayon hákimligi tárepinen xoshametlendi. Bunnan soń jaslarımız, jas ónermentlerler, isbilermenler hám músinshilerdiń qol ónerleri menen tanısıp,olardan usı kásip sırların úyrendi.