Ózbekstan Respublikası Prezidentiniń «Mámleketlik uyımları hám mákemelerine yuridik xızmet kórsetiwdi jánnede jedelestiriw is-ilájları haqqında» ǵı 2021-jıl 29-iyun kúngi PQ-5168-sanlı qararına tiykar, 2021 jıl 1-oktyabr kúninen baslap, Qaraqalpaqstan Respublikasi Ádillik Ministrligi janında Qaraózek rayonı yuridikalıq xızmet kórsetiw orayı shólkemlestirildi.
Qaraózek rayonı yuridikalıq xızmet kórsetiw orayı Yuridikalıq xızmet kórsetiletuǵın mámleketlik uyımları hám mákemeleri xızmetlerin huqıqıy tárepten támiyinlew;
mámleketlik uyımlarına sıpatlı hám qániygeli yuridikalıq járdem kórsetiw;
mámleketlik uyımlardıń xızmetkerleriniń huqıqıy sawatlılıǵın hám huqıqıy mádeniyatın asırıw;
mámleketlik uyımlardıń múlki hámde basqa huqıqları hám nızamlı máplerin óz waqtında, hár tárepleme hám sıpatlı qorǵawdı támiyinlew;
mámleketlik uyımlar tárepinen qabıl etilip atırǵan hújjetlerdiń nızamlı hámde hár tárepleme puqta hámde sıpatlı bolıwın támiynlewden ibarat.
Ózbekstan Respublikası Prezidentiniń qararına tiykarında 2021 jıl 1-oktyabr sánesinen baslap mámleketlik uyımlarına yuridik xızmet kórsetiw menen baylanıslı barlıq maǵlıwmatlar tolıq elektron túrinde jıynaw, qayta islew hámde dodalap barıwdı ámelge asırıw imkánın beriwshi «E-huquqshunos» elektron tizimi shólkemlestirildi.
Oraylar tárepinen yuridikalıq xızmet kórsetiletuǵın mákemler arasında óz-ara jumıstı shólkemlestiriw «E-huquqshunos» elektron tizimi arqalı ámelge asırıladı. Zárúr jaǵdaylarda, oray xızmetkerleri óz xızmetlerin tiyisli xızmet kórsetiwshi mákemeler jaylasqan imratta da ámelge asırıwı múmkin. Bunda, xızmet kórstiwshi mákeme basshıları oraydıń xızmetkerilerine tiyisli shárt-shárayat jaratıp beriwi lazım.
Yuridik xızmet kórsetiletuǵın mákemeler tárepinen Yuridikalıq xızmet kórsetiw orayı menen kelisilmegen halda qabıl etilgen hár qanday buyrıqlar, biylikler, shártnamalar hám yuridikalıq túsdegi basqa hújjetler haqıqıy emes dep tabıw ushın tiykar esaplanadı.
Qaraózek rayonı Yuridikalıq xızmet kórsetiw orayına, xızmet kórsetiwshi mákemelerden usı kunge shekem 734 buyrıqlar hámde shártnamalar kelip túsip, olarǵa huqıqıy juwmaqlar berildi.
Qaraózek rayonı yuridikalıq xızmet kórsetiw orayı Bas yuriskonsultı: A.Kaliev
