Rayondaǵı 16-sanlı balalar muzıka hám kórkem-óner mektebinde 8-dekabr Ózbekstan Respublikası Konstituciyasınıń qabıl etilgenliginiń  29 jıllıq bayram saltanatı keń túrde belgilenip ótildi. Bayram saltanatına rayondaǵı tórt sektor baslıqları , mákeme kárxana basshıları menen ǵalaba xabar quralları wákilleri qatnastı. Bayramda rayon hákimi U. Utambetov, Ádillik bólimi baslıǵı O. Djumaniyazov  hám basqalar shıǵıp sóyledi. Shıǵıp sóylewshiler óz sózlerinde,  Konstituciyamız tiykarında elimizde milliy nızamshılıq sisteması, mámleketlik uyımlar, puqaralıq jámiyetiniń institutları qálipleskenligin atap ótti. Bulardıń barlıǵı, bárinen burın Bas nızamımızdıń haqıyqıy turmıslıq kúsh kúdretiniń nátiyjesi, jáne bir áhmiyetli másele-Konstituciya hám nızam ústinligi  jáne nızamlılıq principleriniń sózsiz támiyinleniwi insan huqıqları menen erkinliklerin qorǵawdıń áhmiyetli kepilligi ekenligin maqtanısh penen tilge aldı. Bayram keshesi  Rayonlıq Mádeniyat bólimi hám 16-sanlı balalar muzıka hám kórkem-óner mektebi tárepinen tayarlanǵan yoshlı koncert baǵdarlamaları menen dawam etti.