«Ózbekstan jaslar forumı-2021» sheńberinde jaslarımızdıń sport penen turaqlı shuǵıllanıwları ushın rayonımızda keń imkaniyatlar jaratılmaqta. Qalalıq orınlarda bolǵan imkaniyatlar, endigiden bılay eń shetki awıllıq jerlerde de jaratılmaqta. Búgin rayondaǵı «Qutlı mákan» MPJ aymaǵında jaylasqan 28-sanlı mektep janınan, jasıl qaplamalı futbol maydanshası qurıp pitkerildi. Usı múnásebet penen sport maydanshasınıń ashılıw saltanatı bolıp, oǵan rayon hákimi U. Utambetov, bir qatar nuranıylar menen bilimlendiriw tarawı wákilleri hám jaslar qatnastı. Ashılıw saltanatınan soń, qatnasıwshılar sportshı jaslardıń sport oyınların tamasha etti.