Qaraózek rayonına xızmet saparı menen kelgen mámleketimizdiń sırt ellerdegi ayrıqsha hám tolıq huqıqlı elshileri hám xalıqaralıq shólkemler wákillerinen ibarat delegaciya aǵzaları, búgin rayonǵa kelip, rayon hákimi tiyisli taraw basshıları hám isbilermenler menen ushırasıw ótkerdi. Ushırasıwdıń tiykarǵı maqseti, rayonımızda jańa joybarlardı ámelge asırıwda birge islesiw ushın shet el investorların tabıw hám isbilermenlerdiń islep shıǵarılıp atırǵan ónimlerin eksport qılıwda shet mámleketlerden qarıydar tabıwda ámeliy járdem kórsetiw bolıp tabıladı.
Miymanlar dáslep, rayondaǵı “Sifat invest kompaniyası“ juwapkershiligi sheklengen jámiyeti hám “Qaraózekagro“ JShJ ti kárxanalarında bolıp, DSP hám LDSP islep shıǵarıw joybarı hám boyan tamır bólekshelerin islep shıǵarıw kárxanalarınıń xızmetkerleri menen ushırasıp, eksprotqa shıǵarıp atırǵan ónimleri menen tanıstı. Ushırasıw dawamında isbilermenlerdiń usınısları tıńlanıp, islep shıǵarıp atırǵan ónimlerin eksport qılıw boyınsha másláhátlerin berdi.