Ózbekstan Respublikası Ministrler Keńesiniń 2021-jıl 9-dekabr kúngi “Ayrıqsha jaǵdaylardıń aldın alıw hám saplastırıw hámde órt qáwipsizligin támiyinlewdi kúsheyttiriwge baylanıslı qosımsha is-ilajlar haqqında” ǵı 743-sanlı qararı tapsırmasına tiykarlanıp dúzilgen, Qaraqalpaqstan Respublikası Ayrıqsha jaǵdaylar basqarması baslıǵınıń orınbasarı polkovnik M. Seydullaev basshılıǵındaǵı isshi topar quramı aǵzaları Qaraózek rayonında boldı. Topar aǵzaları tárepinen alıp barılǵan xatlaw jumısları dawamında aymaqtaǵı barlıq islep shıǵarıw, xalıq kóp jıynalatuǵın xızmet kórsetiw, ǵalabalıq ilajlar ótkeriletuǵın hámde sawda-kewil ashar orınlar  kózden ótkerilip, anıqlanǵan kemshiliklerdi tez arada saplastırıw boyınsha kórsetpeler berildi. Sonıń menen birge jańa jıl bayramı ilajları ótkeriletuǵın orında qurılǵan jańa jıl shırshasınıń órt qáwipsizligi talapları hám konstrukciyalardıń bekkemlilik jaǵdayları úyrenilip, anıqlanǵan kemshilikler boyınsha juwapker basshılarǵa kórsetpeler berildi.