Búgin rayondaǵı 16-sanlı Balalar muzıka hám kórkem óner mektebiniń májilisler zalında Qaraqalpaqstan Respublikası Prokurorınıń orınbasarı E. Qayıpbergenov, rayondaǵı tórt sektor baslıqları, xalıq qabıllawxanası hám mákeme, kárxana basshılarınıń qatnasıwında puqaralar menen ushırasıw bolıp ótti. Ushırasıw dawamında aymaq turǵınları ózlerin qıynap júrgen máseleleri boyınsha múrájatların bildirdi. Onda jaslar hám hayal-qızlar ózleriniń bántligin támiyinlew ushın tigiw mashinası hám kepserlew úskenelerin sorap múájat etti. Bulardıń múrájatları sol jerdiń ózinde qanaatlandırılıp, tiyisli taraw basshıları tárepinen sheshildi. Solay etip, altı jastıń bántligin támiyinlew ushın olarǵa kerekli úskeneler berildi. Ushırasıw sońında jaslardıń usınıs hám baslamaların qollap-quwatlaw, olarǵa jeńilletilgen kreditler ajıratıw arqalı isbilermenlik jumısların baslaw boyınsha másláhátler berildi.