Namangan wálayatı hákimi Shavkatjon Abdurazaqov hámde Qaraqalpaqstan Respublikası Ministrler Keńesi baslıǵınıń birinshi orınbasarı, Nurlan Erlepesov basshılıǵındaǵı bir topar aǵzalar menen Namangan wálayatınan 30 ǵa jaqın isbilermenler, Qaraózek rayonında ámelge asırılıp atırǵan jumıslar menen tanısıw ushın rayonda boldı. Qaraózek rayonında 2022-2024 jıllar dawamında jámi 10148 gektar maydanda awıl xojalıǵı joybarlardıń ámelge asırılıwı rejelestirilgen bolıp, sonnan 2022-jılda 1067 gektar, 2023-jılda 5357 gektar, 2024-jılda 3723 gektar jer maydanlar jańadan ózlestirilip, awıl xojalıǵı eginlerin egiw kózde tutılǵan. Sonday-aq, házirgi kúnde jámi 1964 gektar maydandaǵı 3 sharwashılıq xojalıǵı, bunnan basqa baǵ-júzimgershilik, boyan tamırı hámde ovosh-palız ónimlerin jetistiriwde, Quralpa APJ aymaǵınan 1636 gektar hám Esimózek APJ aymaǵınan 328 gektar jańa joybarlardı ámelge asırıw ushın Namangan wálayatınan kelgen bir qatar isbilermenler tárepinen jumıslar baslanıp ketti. Bunnan tısqarı keleshekte sanaat hám awıl xojalıǵı tarawındaǵı jámi 17 joybar boyınsha usınıslar berildi. Joybardıń ulıwma bahası 222,6 mlrd.sum (sonnan, 75,8 mlrd. sum isbilermenler tárepinen, 146,8 mlrd.sum, kommerciyalıq banklerdiń jeńillikli kredit qarjıları) dı qurap, joybarlar iske túsiriliwi nátiyjesinde, 875 jańa jumıs orınları jaratılıwı kózde tutılǵan. Sonıń menen birge miymanlar rayondaǵı bir qatar qurılıs jumısları hám máhállelerde ámelge asırılıp atırǵan abadanlastırıw jumısları menen tanısıp, rayon orayındaǵı «Qutlı mákan» MPJ aymaǵın social-ekonomikalıq jaqtan rawajlandırıw ushın Namangan wálayatı hákimiligi tárepinen 2 mlrd sum qarjı ajıratılıwı belgilendi.