Jańa jıldı hár bir insan asıǵıslıq penen jaqsı úmitler menen kútedi. Bıyılǵı 2022-Jańa jıldı rayon xalqı menen kishkene balalarımız kewilleri shad bolıp, ózgeshe kóterińki ruwxta kútip almaqta. Bayram múnásebeti menen rayon hákimiyatında bayram keshesi shólkemlestirildi. Onda rayon hákimi U. Utambetov bayram qatnasıwshıların úlkemizge kirip kelgen, Jańa jıl bayramı menen qızǵın qutlıqladı. Bunnan soń rayonımızdaǵı kem támiynlengen, baǵıwshısınan ayırılǵan shańaraq balalarına, Prezident sawǵaları tapsırıldı. Sonday-aq usı kúni 16-sanlı Balalar muzıka kórkem-óner mektebi hám sport bólimine rayon hákimligi tárepinen muzıka saz ásbapları menen sport inventarları berildi.