Assalawma áleykum rayon xalqı!
Siz, ázizlerdi, rayon xalqın Jańa jıl bayramı menen shın júrekten qutlıqlayman! Bársheńizge bekkem den-sawlıq, shańaraqlarıńızǵa baxıt tileymen!
Ótip baratırǵan jıl mámleketimiz ushın umıtılmas waqıyalarǵa bay jıl boldı. Túrli qıyınshılıq hám sınawlardıda basımızdan keshirdik.
Xalqımızdıń pidayılıq miyneti menen «Jaslardı qollap-quwatlaw hám xalıqtıń salamatlıǵın bekkemlew jılı» nda úlken jetiskenliklerge eristik.
Ekonomikamız jetekshi taraw hám tarmaqları jedel rawajlanıp, miynetkesh diyqan hám fermerlerimiz, qıyın sharayatta bolıwına qaramastan rayon xalqına ózleriniӊ ónimlerin jetistirip berdi.
Kishi biznes hám jeke isbilermenlikke keń jol ashılıp, jıl dawamında rayonımızda xalıq, ásirese, jaslarımız, hayal-qızlarımız ushın kóplep jańa jumıs orınları jaratıldı. 2021-jılda mıńlap rayonımız xalıqına sociallıq mashqalalardı sheshiwde “Temir dápter”, “Xayallar dápteri”, “Jaslar dápteri”, hám “Máhállebay” islesiw arqalı ózleriniń mútájligi, qálewine qarap jeńilletilgen kreditler, jer maydanları, subsidiya qarjıların ajıratıw hám de materiallıq járdemler kórsetiw arqalı kómekler berildi.
Jańadan mektepke shekemgi bilimlendiriw shólkemleri, mektepler, málimleme texnologiyaları orayı, shaӊaraqlıq shıpakerlik punktleri, máhálle puqaralar jıyınları, jaslar orayı, mádeniyat hám sport imaratları qurılmaqta.
Eń tiykarǵısı, xalqımızdıń turmıs dárejesi jaqsılanıp, ertńgi kúnge isenimi arttı.
Áziz doslar!
2022-jıl hár bir shańaraqqa qut-bereket, baxıt hám áwmet alıp kelsin!
Bárshe niyet etken maqsetlerimiz júzege shıqsın!
Elimiz hámiyshe gúllep-jasnay bersin!
Jańa jıl bársheńizge qutlı múbárek bolsın!

Húrmet penen Qaraózek rayonı hákimi U. Utambetov.